Maxfiylik siyosati

Oxirgi yangilanish: 2026-09-03

Spino24 — ota-ona va bola o’rtasidagi ekran-vaqt qoidalarini ochiq boshqarish vositasi. Biz faqat shu vazifa uchun zarur bo’lgan ma’lumotni to’playmiz.

To’planadigan ma’lumot

• Ota-ona hisobi: elektron pochta yoki foydalanuvchi nomi, parol xeshi, ixtiyoriy Telegram ulanishi.
• Qurilma faoliyati: faol ilova/oyna nomi va undan foydalanish davomiyligi.
• Qurilma holati: batareya foizi, oxirgi ulanish vaqti, agent versiyasi.
• Qoida hodisalari: limit tugashi, cheklangan ilova ochilishi, «Kattalar uchun» panel ochilishi.

Hech qachon to’planmaydi

• Skrinshot yoki ekran yozuvi.
• Klaviatura bosilishi (keylogging).
• Mikrofon yoki kamera yozuvi.
• Shaxsiy xabarlar, brauzer parollari yoki fayl mazmuni.

Ma’lumot qayerda saqlanadi

Qoidalar va hisoblash bola qurilmasidagi lokal agentda ishlaydi va offline ham qo’llanadi. Faoliyat ma’lumoti ota-ona paneliga sinxronlanadi va serverda oila hisobiga bog’langan holda saqlanadi. Ma’lumot uchinchi tomonlarga sotilmaydi.

Bolaning huquqi

Bola qurilmasida agent yashirin emas: tray belgisi, status oynasi va bloklash ekrani orqali bola nima kuzatilishini va qanday qoidalar borligini ko’radi.

O’chirish

Ota-ona hisobni yoki qurilmani istalgan vaqtda o’chirishi mumkin. Qurilma o’chirilganda unga bog’liq faoliyat ma’lumoti ham o’chiriladi.

Savollar: salom@chaqimchi-ai.uz